Со обновена енергија и јасна решителност за водење на реформските процеси, првиот заменик-претседател на Владата Беким Сали и вицепремиерот Арбен Фетаи претседаваа со координативна средба со претставници на извршната власт од редовите на Коалицијата ВЛЕН, испраќајќи јасна порака дека претстојната година ќе биде година на интензивна работа и конкретни резултати.
На средбата беше реафирмирано целосното единство во рамки на ВЛЕН и заедничката посветеност кон реализација на стратешки проекти и клучни државни процеси. Досегашната работа на институциите беше оценета позитивно, но истовремено беше нагласено дека темпото на реформите ќе се интензивира уште повеќе во наредниот период.
Од коалицијата потенцираа дека ВЛЕН останува фокусирана и обединета во соочувањето со претстојните предизвици, при што оваа година е означена како клучна за спроведување на реформите, реализација на големи капитални проекти и исполнување на очекувањата на граѓаните.
Со јасно лидерство, силна координација и цврста политичка волја, ВЛЕН најавува дека е подготвена одговорноста за владеење да ја претвори во опипливи резултати во корист на сите граѓани.
