Американската пејачка и „кралица на попот“ Мадона го посетила манастирот Варлам во Метеора, Грција, каде помина околу три часа и побарала духовен совет од игуменот на манастирот отец Бенедикт.
Мадона во петокот пристигнала во Метеора од Крф, каде што е на одмор, во друштво на синот и уште 12 други лица, а според грчките медиуми групата пристигнала со два хеликоптери, пренесува Prototemaа.
Во манастирот Варлам, кој веќе бил затворен за јавноста за време на нејзината посета, монасите ја пречекале Мадона и специјално отвориле комплекс за нејзиниот престој.
Пејачката поминала околу три часа на Метеори, од 16 до 19 часот, по локално време, а го обиколила манастирот во придружба на двајца водичи.
Како што пишуваат грчките медиуми, Мадона била многу срдечна, но се трудела нејзината посета да биде дискретна и без големо внимание од јавноста.
На фотографиите од посетата се гледа облечена во бело.
Посебен дел од посетата била средбата со игуменот на манастирот Варлам, отец Бенедикт, кој, според еден од монасите, имал изразито личен и духовен карактер.
За време на разговорот со 49-годишниот игумен, Мадона покажала посебен интерес за духовните работи и побарала од него „духовен совет“.
Според истиот монах, пејачката го прашал игуменот и за бројаницата што ја држел во раката.
По посетата на Метеори, Мадона се вратила на Крф, каде што го продолжува својот одмор во Грција.
Фото: Принтскрин/X
