Иран е официјално пропадната држава која нема морнарица, воздухопловни сили ниту валута, а во која инфлацијата изнесува 300 отсто, изјави денеска американскиот претседател Доналд Трамп.
На својот профил на социјалната мрежа „Truth Social“, тој тврдеше дека Иран не им исплаќа плати на своите војници и полицајци, како и дека иранските лидери се во „целосен хаос“.
„Единственото што го имаат се лажни вести од САД, подготвеност да ги убиваат сопствените демонстранти (веќе има над 100.000 мртви; мора да им се суди за воени злосторства против човештвото), како и еден куп глупости“, тврдеше Трамп.
