Со пригоден настан беше одбележан третиот јубилеј од формирањето и успешното работење на Младински Центар Пробиштип, кој во изминатите три години прерасна во значајно место за младински активности, креативност и неформално образование во општината.
На одбележувањето беше истакнато дека центарот претставува простор каде младите ги развиваат своите идеи, иницијативи и визии, но и место за дружење, размена на искуства и активно вклучување во заедницата.
Од Општина Пробиштип беше нагласено дека локалната самоуправа останува активен партнер и поддржувач на младинските политики, со отворена врата за сите млади луѓе кои сакаат да придонесат кон развојот на општината.
„Ќе продолжиме да создаваме услови и можности за младите, затоа што нивната енергија, идеи и визија се клучни за иднината и развојот на Пробиштип“, беше порачано на настанот.
На крајот, беа упатени честитки за јубилејот со желби за уште многу успешни години, нови проекти и заеднички успеси, со порака успешно да продолжи приказната на Младинскиот центар.
