Две девојчиња биле повредени во центарот на Битола, откако големо стакло од излогот на Одделението за водење матични книги се скршило и паднало на улицата.
Според информациите од очевидци, инцидентот се случил поради силниот ветер, кој предизвикал кршење и паѓање на стаклото од излогот на објектот.
Повредените девојчиња веднаш биле преземени од екипа на Брзата помош и пренесени во Клиничката болница во Битола, каде што им била укажана медицинска помош.
На местото на настанот пристигнале и полициски екипи, кои презеле активности за утврдување на околностите под кои се случил инцидентот.
Засега нема дополнителни информации за тежината на повредите на двете девојчиња.
