Советот на јавните обвинители денеска ќе ја одржи педесеттата седница, на чиј дневен ред се неколку точки, меѓу кои и формирање Комисија за избор на јавен обвинител на Основното обвинителство за гонење организиран криминал и корупција.
Предвидено е формирање на Комисија за подготвување на кандидатските листи како и Комисија за спроведување на изборите. Досега до Советот на јавни обвинители пристигнале пет кандидатури.
За прв човек на Обвинителството претендираат, обвинителите од Вишото обвинителство Јован Цветаноски и Трајче Пеливанов, обвинителката од Скопското јавно обвинителство, Лидија Раичевиќ и обвинителите од Обвинителството за гонење криминал, Искра Хаџи Василева и Фатон Азизи. Абази, кому мандатот му завршува на 8-ми ноември, најави дека нема да бара втор мандат.
На 28-ми октомври, обвинителите на непосредни избори ќе гласаат за нов шеф на Обвинителството за гонење организиран криминал и корупција.
