Полициски службеници од ОВР Берово го лишиле од слобода 62-годишниот Љ.М. од село Русиново, откако со патничко возило „форд“ удрил во паркирано возило, а потоа и во ограда од двор на куќа.
Инцидентот се случил вчера околу 17:40 часот во Берово. При преземањето на полициските мерки било утврдено дека возачот управувал под дејство на алкохол.
Со алкотест кај Љ.М. биле измерени 2,62 промили алкохол во крвта.
Полицијата извршила увид на местото на настанот, а за случајот бил известен и јавен обвинител.
По целосното документирање на случајот, против 62-годишниот возач ќе следува соодветна пријава.
