Претседателот на СДСМ, Венко Филипче, изјави дека партијата сѐ уште е во процес на преговори и анализа околу тоа дали ќе состави коалиција за претстојните избори — и со кого ќе соработува. Како што рече, одлуката ќе биде донесена „во недела или по состаноците што следуваат“.
„Гледаме со кого имаме највисок капацитет и со кого можеме да вистински работиме за граѓаните“, изјави Филипче, додавајќи дека некои партии се уште не се подготвени „да играат“ со СДСМ.
Тој потсети дека СДСМ ја има кадровската и програмската стратегијата за финализација на коалициските договори и дека утврдениот формат ќе одразува не само политичка конјунктура, туку и мотивираност и подготвеност за ангажман.
Според Филипче, партијата не ја исклучува опцијата за самостоен настап доколку коалициските партнери не се поклопат со програмските и вредносните критериуми на СДСМ.
