СДСМ најави дополнително зајакнување на партиското раководство, при што Горан Герасимовски ќе биде номиниран за нов потпретседател на партијата.
Во објавата се наведува дека Герасимовски ја заслужил довербата на граѓаните на Општина Центар со својата посветена, одговорна и континуирана работа, а неговата победа и освоениот втор мандат како градоначалник се оценуваат како потврда за успешните резултати, блискоста со граѓаните и искреното работење.
Од СДСМ изразуваат уверување дека Герасимовски, со своето искуство, посветеност и желба за работа, ќе внесе нов импулс во партијата, ќе придонесе за обединување на партиските капацитети и ќе има значајна улога во, како што наведуваат, борбата против „криминалната власт“ и во градењето на уште посилен СДСМ.
Партијата порачува дека продолжува со нова енергија и посветеност, со цел создавање подобра иднина за Македонија.
