Во Кривичниот суд рочиште за поранешниот директор на Комунална хигиена, Сабахудин Рустеми. Обвинет е дека во октомври 2025 спречил навремено собирање на сметот, а главниот град тонеше во отпад. Обвинителството гледа вина и кај управителот за отпад во претпријатието, Аки Саити, па двајцата ги гони за загрозување на животната средина со отпад.
Рустеми и Саити, според обвинителството со умисла не ги спроведувале плановите за управување со комуналниот отпад, дополнително, и не се грижеле за исправноста на опремата и уредите за собирање на сметот. Така, двајцата обвинети овозможиле да се создадат депонии на јавни и сообраќајни површини, наведуваат од Обвинителството.
За ова кривично дело, предвидена е казна затвор од една до десет години.
