Ски стазата Копанки на Пелистер деновиве се обои во бело, откако падна првиот снег кој ја донесе вистинската зимска атмосфера на планината. Иако снежната покривка сè уште не е доволна за скијање и за целосно уживање на љубителите на белиот спорт, снегот е добредојден и најавува почеток на зимската сезона.
Според метеоролозите, во наредните денови се очекуваат нови врнежи од снег на повисоките места, што може да придонесе за создавање подобри услови на ски терените. Во меѓувреме, снегот на Пелистер најмногу ги радува најмладите, кои зимскиот распуст го користат за игра и забава на планината.
Извор: Апла.мк Фото: А. Блажевска
