Градоначалникот на Прилеп, Дејан Проданоски, порача дека сите одлуки и активности на локалната самоуправа произлегуваат директно од потребите и очекувањата на граѓаните, нагласувајќи дека гласот на народот е клучен во креирањето на одговорни и одржливи политики.
Според Проданоски, општината работи во интерес на сите генерации – од најмладите кои ја градат својата иднина, до повозрасните граѓани, чие искуство и знаење, како што посочи, претставуваат непроценлива вредност за развојот на градот.„Заедно создаваме град што слуша, разбира и делува. Град во кој секој човек е важен, секоја насмевка е поттик, а секој предлог – можност за подобро утре“, истакна градоначалникот.
Тој додаде дека Општина Прилеп ќе продолжи со отворена и транспарентна комуникација со граѓаните, како и со активно вклучување на јавноста во процесот на носење одлуки, со цел создавање пофункционален, похуман и поразвиен град.
