Пожарите продолжуваат да се шират во неколку француски департмани, особено на југот, објавија денес француските медиуми.
Во департманот 150 пожарникари сè уште се борат со пожарите, а службата за противпожарна и спасувачка служба (SDIS) предупредува дека денес сè уште постои висок ризик од пожар, јавува телевизијата BFM.
Властите забранија пристап до единаесет шумски области во департманот Буш-ду-Рон поради „многу сериозен“ ризик од пожар, а префектот на регионот Прованса-Алпи-Азурен Брег (PACA) објави дека „пристапот, движењето, присуството и работата се строго забранети во единаесет шумски области во департманот Буш-ду-Рон поради многу сериозен ризик од пожар“.
Ситуацијата во регионите Алпи, Камарг и Крос е дополнително влошена од ветровите што достигнуваат брзина до 65 километри на час.
Францускиот министер за внатрешни работи Лоран Нуњез изрази „длабока загриженост“ што сезоната на пожари во Франција започна еден месец порано.
„Многу сме загрижени бидејќи сме еден месец пред предвиденото во однос на појавата на пожари“, рече Нуњез, истакнувајќи дека само во четвртокот низ континентална Франција се регистрирани 26 истовремени пожари.
Тој рече дека Франција има доволно ресурси за борба против пожарите, наведувајќи 12 авиони „Канадер“ и осум „Даш“ во противпожарната флота, како и 10 противпожарни хеликоптери и шест лесни воздушни танкери што биле изнајмени, пренесува „Танјуг“.
