Службениците на Федералната полициска администрација уапсија лице кое се заканувало дека ќе убие христијани во пренос во живо на социјалната мрежа ТикТок.
Осомничениот бил идентификуван од страна на членовите на Одделот за борба против тероризмот и бил подложен на кривична постапка.
„За време на претрес на куќа во Зеничко-добојскиот кантон, што ја користел осомничениот, пронајдени се предмети што ќе бидат предмет на кривична постапка“, соопшти Федералната полициска администрација.
Полицијата продолжува со своите активности во соработка со Обвинителството на БиХ за документирање на кривичното дело и утврдување на сите релевантни околности на случајот.
Федералната полициска администрација нагласува дека продолжува да работи на откривање и гонење на сите форми на закани, говор на омраза и екстремизам, особено оние што се шират преку социјалните мрежи.
