Пензионери од Делчево завршија во билтен на МВР – „Вежбале“ за натпревар, но полицијата им го одзеде оружјето

Пензионери од Делчево завршија во полицискиот билтен. „Вежбале“ за натпревар на кеј на река во градот. 

– На 08.05.2026 во 10:25 часот во ОВР Делчево е пријавено дека на кеј на река Брегалница во Делчево, Н.А.(76), Ф.С.(80) и Б.П.(80), сите од Делчево, пукале во дрвена мета со две воздушни пушки со калибар 4,5 мм, сопственост на Здружението на пензионери од Делчево, каде тие биле членови, известија од МВР за случајот 

Според пријавеното и извршениот службен разговор со пријавените, тие во изминатиот период се спремале за пензионерски спортски натпревар кој треба да се одржи кон крајот на месец мај во Кочани.

Метата, воздушните пушки и муницијата (дијаболи) се одземени  и по целосно документирање на случајот ќе следува соодветна пријава, соопштија од МВР.