Белградската полиција го уапси А. С. (31) синоќа откако вооружен влегол во ресторан во Врачар, предизвикувајќи паника кај присутните.
Вистинска драма се одвивала во популарната белградска населба Врачар кога маж влегол во кафуле носејќи мачета. Гостите и минувачите веднаш ја известиле полицијата откако го забележале вооружениот маж.
Благодарение на брзата реакција на полицијата и смиреноста на граѓаните, инцидентот завршил без повредени.
Припадници на Министерството за внатрешни работи набрзо пристигнале на местото на настанот и го пронашле осомничениот, кој потоа бил уапсен.
Претресот утврдил дека, покрај мачетата, имал и палка на себе, која му била одземена. Осомничениот е однесен во полициската станица, а за сè е известено надлежното обвинителство, што ќе ја утврди понатамошната квалификација на кривичното дело и мерките за притвор.
Мотивот за ова засега е непознат, а истрагата е во тек.
Полицијата апелираше до граѓаните во слични ситуации да не се обидуваат сами да совладаат вооружени лица, туку веднаш да побараат засолниште и да се јават на 192, пренесува Телеграф.
