Во Општина Пробиштип денес се одржа работен состанок помеѓу градоначалникот и директорот на Центарот за развој на Источниот плански регион, Трајче Здравков. На средбата се разговараше за тековните активности, идните развојни можности и зајакнување на меѓусебната соработка.
Фокусот беше ставен на проекти кои во наредниот период треба да донесат значајни инфраструктурни, економски и социјални придобивки за граѓаните на Пробиштип и поширокиот регион. Двете страни се согласија дека преку координирана работа и заеднички иницијативи ќе се овозможи побрз и поодржлив развој.
Од општината најавуваат дека ќе продолжат со активно учество во регионалните програми и иницијативи, со цел подобрување на квалитетот на живот и креирање нови можности за граѓаните.
„Продолжуваме посветено да работиме за развој на Пробиштип и Источниот плански регион,“ порачаа од локалната самоуправа по завршувањето на средбата.
