Властите беа известени за пожарот во округот Сандакан околу 1:32 часот по локално време, изјави шефот на противпожарната и спасувачка служба на округот Џими Лагунг во соопштението.
„Поради силните ветрови и близината на куќите, пожарот се прошири брзо, додека ниската плима го отежна и пристапот до отворени извори на вода“, рече Лагунг.
Пожарот се прошири брзо
Пожарот избувна во едно од селата со бараки во Сабах и е дом на некои од најсиромашните заедници во земјата, вклучувајќи многу групи без државјанство и домородци, објави Ројтерс.
Повеќе од 9.000 жители беа погодени од пожарот, иако немаше смртни случаи, соопшти полицијата во Сандакан, според новинската агенција на Малезија.
Малезискиот премиер Анвар Ибрахим изјави дека федералната влада се координира со властите во Сабах за да им обезбеди основна помош и привремено преселување на погодените.
„Приоритет сега е безбедноста на жртвите и итна помош на терен“, напиша тој во објава на Фејсбук.
