Само 15 отсто од вработените земале регрес за годишен одмор заклучно со први јули. Просечниот нето-износ на исплатен регрес изнесува 28.562 денари.
Оние работодавачи во приватниот сектор што сега исплатуваат регрес за годишен одмор, или популарно наречен К-15, треба да исплатат најмалку 19.567 денари. Ова е согласно Општиот колективен договор за вработените во приватниот сектор според кој најнискиот износ на К-15 е 40 отсто од просекот на последните три просечни нето-плати во државава што ги објавил Државниот завод за статистика, освен ако фирмата немала „економски потешкотии“. Вработените во јавниот сектор, според Општиот колективен договор, треба да добијат 13.560 денари. За нив обврската е 30 отсто од просечната нето-плата за претходната година. Со грански колективни договори пак, може да се обезбедат повеќе пари.
