Во Министерството за енергетика, рударство и минерални суровини се одржа обука за менаџмент, со цел јакнење на капацитетите и професионалниот развој на вработените. Настанот беше насочен кон стекнување нови знаења и практични алатки кои ќе придонесат за поефикасно работење и подобра институционална организација.
Обуката ја реализираше г-дин Борко Хаџиски, експерт со долгогодишно искуство во областа на менаџментот и стратегиското лидерство. Неговото менторство овозможи интерактивен пристап и практични насоки за надградување на вештините на учесниците.
Во знак на признание за неговиот придонес, на г-дин Хаџиски му беше врачена благодарница, со што се нагласи значењето на оваа активност за развојот на тимот и институцијата.
Министерството нагласува дека ваквите вложувања во човечкиот капитал се најсилната гаранција за современа, ефикасна и одговорна администрација, која е подготвена да одговори на предизвиците и потребите на граѓаните.
