Владата информира дека утре, 21 ноември 2025 година (петок), претседателот на Владата на Република Северна Македонија, Христијан Мицкоски, ќе присуствува на Самитот на лидери „Нашиот план до ЕУ“, кој ќе се одржи во Тирана, Република Албанија.
Според официјалното соопштение, Мицкоски ќе има обраќање на панел-дискусијата со наслов „Исполнување на заеднички обврски, резултати и забрзување“, каде што ќе ги претстави обврските и приоритетите на државата во процесот на евроинтеграциите.
