Денес, политичката сцена доби нова динамика. Лидерот Изет Меџити објави дека неговото движење стапува во сојуз со Движењето Арберија и неговите лидери — Беким Фазлиу, Мерале Ферати, Газменд Алији и Орхан Ибрахими.
Меџити истакна дека ова соединување претставува силен сигнал за претстојните избори на 19 октомври, кои тој ги нарече „ден на големата победа“.
„Овој сојуз ја прави нашата победа уште посигурна. Тоа е јасна заложба дека општините ќе им се вратат на граѓаните, со чесно, транспарентно и посветено владеење чија единствена цел е развојот,“ порача Меџити.
Тој нагласи дека новоформираниот блок ќе ја претставува волјата на граѓаните и ќе биде алтернатива која носи надеж и конкретни решенија за локалната заедница.
„19 октомври ќе биде ден на победата на граѓаните. Затоа што ВАЛУ е за граѓаните,“ додаде Меџити.
Ова политичко здружување, според него, претставува важен чекор кон консолидирање на опозициската сцена и создавање услови за поинакво и поодговорно управување со општините.
