На последниот ден од изборната кампања, кандидатот за градоначалник на општина Чаир од коалицијата ВЛЕН, Изет Меџити, пред граѓаните го претстави целосниот програмски план за трансформација на општината.
Во говорот полн со визија, Меџити потврди дека „промeната во Чаир е веќе започната“ преку проекти кои веќе се во реализација и нови планови кои допрва ќе почнат.
Средиштето на неговата програма се долгорочни проекти со акцент на:
Урбанистичка инфраструктура и модернизација на улици, патишта и осветлување
Развој на зелени површини, кејови и мега парк проекти
Образовни и социјални вложувања, вклучувајќи нови училишта и поддршка за ранливи категории
Решавање на сообраќајниот метеж преку урбани решенија и паркинг инфраструктура
Меџити нагласи дека Чаир, како една од најгусто населени општини во Европа, не може самостојно да се развива и дека е потребна силна поддршка од градските и државните институции.
Во завршните пораки, Меџити повика на масовна излезност на 19 октомври и верба дека животот во Чаир ќе се промени „од кабинетите кон улиците, од ветување кон дело.“
Проектите што ги презентираше се веќе делумно започнати и се темелат на концепти кои Меџити веќе ги најавуваше во изминатиот период.
