За сиромашни во Албанија се сметале 54,2 отсто од граѓаните, во Црна Гора 50 отсто, во Македонија 48,4 отсто и во Србија 41,8 отсто.
Лани 17,4 отсто од населението на ЕУ се сметало за субјективно сиромашно, што е подобрување во однос на 19,1 отсто регистрирани во 2023 година, објави Евростат.
Грција има највисока стапка на луѓе кои се сметале за субјективно сиромашни (66,8 отсто), по што следуваат Бугарија (37,4 отсто) и Словачка (28,7 отсто). Најниски стапки се пријавени во Холандија и Германија (и двете 7,3 отсто) и Луксембург (8,5 отсто).
Гледајќи по возрасни групи, субјективната стапка на сиромаштија била највисока кај младите под 18 години, со 20,6 отсто. Кај луѓето на возраст од 18 до 64 години е 17,3 отсто, а кај постарите од 65 години е 14,9 отсто.
