Израелските одбранбени сили започнаа првични операции како дел од долгорочно планираната копнена офанзива за преземање на градот Газа. Војниците веќе воспоставиле контрола над одредени делови на периферијата, вклучувајќи ги Зејтун и Џабалија, а околу 60.000 резервисти се мобилизирани за поддршка на активниот воен персонал.
Портпаролот на армијата нагласи дека операцијата има за цел да нанесe штета на Хамас и да ги ослободи жителите од теророт на организацијата, при што на цивилите им се нуди помош за евакуација. Жителите на Газа веќе масовно ја напуштаат својата територија, стравувајќи од голема офанзива, а очекувањата се дека стотици илјади луѓе ќе бидат упатени кон јужниот дел на Појасот Газа.
Хамас го обвинува Израел за попречување на договорот за прекин на огнот и за продолжување на „бруталната војна против цивилното население“. Одлуката за целосна офанзива е осудена и од Обединетите нации, Меѓународниот комитет на Црвениот крст и голем број светски лидери.
