65 милиони евра обезбедени за два стратешки проекти
Скопје влегува во нова развојна фаза – обезбедени се 65 милиони евра за изградба на Универзитетски кампус на Универзитетот „Мајка Тереза“ и подземен паркинг на плоштад „Скендербег“. Овие два стратешки проекти, како што истакна министерот за политички систем и односи меѓу заедниците Иџет Меџити, ќе донесат долгорочни придобивки за студентите, граѓаните и економскиот развој на главниот град.„
Овие проекти поставуваат нови темели за урбаната и образовната модернизација на нашиот град и означуваат клучен момент за стратешкиот развој на Скопје. Со оваа посветеност отвораме нова фаза во која визијата за функционален, иновативен и развоен град станува реалност,“ изјави Меџити.
Средба за координација и конкретни чекори
Во таа насока, денеска Меџити одржа важна средба со министерот за транспорт и врски Александар Николовски, директорот на Градежниот инспекторат и претставници од Општина Чаир. На состанокот биле договорени конкретни чекори што ќе овозможат итен почеток на реализацијата на двата проекти.
Национално и стратешко значење
Проектите се оценети како од национално и стратешко значење, а нивната имплементација ќе биде овозможена благодарение на интеринституционалната координација и заедничка посветеност. „Ги исполнуваме ветувањата и ја претвораме визијата во реалност,“ порача Меџити.
