Продолжуваат преговорите за прекин на војната во Украина. Доналд Трамп денеска домаќин на Володимир Зеленски и европските лидери кои треба да го престават својот план за крај на конфликтот.
Владимир Путин, со црвен тепих и големи почести беше пречекан на Аљаска а првите луѓе на Велика Британија, Франција, Германија, Италија, заедно со Зеленски и Генералниот секретар на НАТО, ќе дојдат во Белата Куќа…Украинскиот претседател се надева дека овој пат ќе има подобар состанок со Трамп и дека со помош на европските сојузници, ќе дојде до подобра преговарачка позиција ..
Володимир Зеленски
„Руската воена машинерија продолжува да уништува животи. Путин ќе продолжи да извршува убиства за да го одржи притисокот врз Украина и Европа, како и за да ги понижи дипломатските напори. Токму затоа бараме помош за да се стави крај на убиствата. Затоа се потребни безбедносни гаранции.“
Доналд Трамп, кој на првата средба со Зеленски го обвини дека е неблагодарен за помошта која ја добива од САД , а претходно го нарече и диктатор, смета дека Украина, доколку сака, веднаш може да ја заврши војната со Русија, …За американскиот претседател нереално а барањето на Киев да се приклучи на НАТО и да го врати Крим под своја контрола…
Доналд Трамп
„Претседателот Зеленски може да ја заврши војната со Русија речиси веднаш, ако сака, или може да продолжи да се бори. Сетете се како започна. Нема враќање на Обама со давањето на Крим (пред 12 години, без ниту еден испукан куршум!), и НЕМА ВЛЕГУВАЊЕ ВО НАТО ЗА УКРАИНА. Некои работи никогаш не се менуваат!!!
Руски дипломати пак порачуваат дека секој мировен договор, мора да вклучува и одредени гаранции за Москва..
Михаил Илјанов, преставник на Русија во меѓународните организации во Виена,
„Многу лидери на земјите-членки на ЕУ нагласуваат дека идниот мировен договор треба да обезбеди безбедносни гаранции за Украина. Русија се согласува со тоа. Но, таа има еднакво право да очекува дека и Москва ќе добие безбедносни гаранции. Што нуди Западот? Очигледно, тие се уште не почнале да размислуваат за тоа. Тоа е грешка, која треба да се исправи. “
ЕУ и НАТО засега со различни ставови за иднината Украина…Првиот човек на алијансата, Марк Руте, неодамна призна дека Киев веројатно ќе мора да прифати загуба на дел од територијата..За Емануел Макрон, територијалниот интегритет на Украина мора да се почитува при носењето на било каква одлука … Од авион, на пат кон Вашингтон, Британскиот премиер Кир Страмер предупреди дека војната трае предолго и влијае не само на Украинците туку и на целиот континент…
Кир Страмер – премиер на Велика Британија
„Сите сакаат војната да заврши, не само украинците. Но тоа мора да го напшравиме на вистинскиопт начин. Мораме да се осигураме дека ќе има долготраен мир, кој ќе биде фер и праведен. “
А додека во Вашингтон и Брисел се прават планови како да продолжат преговорите со Москва, Русија ги засилува нападите во Украина…Најмалку пет лица загинаа, а повеќе од 20 се повредени во воздушен напад врз Харков..Цел беше и јужниот пристанишен град Одеса, каде беше погоден објект за чување на гориво…Ракети го погодија и градот Запорожје…
