Министерот за правда, Игор Филков оствари работна средба со постојаниот координатор на Обединетите Нации во Република Северна Македонија, Рита Колумбиа.
На средбата се разговараше за досегашната и идна соработка, со посебен акцент на поддршката што Обединетите Нации ја даваат во унапредување на човековите права и владеењето на правото.
Во наредниот период ќе се продолжи со успешните практики и ќе се развијат нови заеднички иницијативи за подобрување на законската регулатива, во согласност со меѓународните стандарди.
Министерството за правда останува отворено за соработка со сите меѓународни партнери, во насока на создавање праведен и инклузивен систем за сите граѓани.
