ФИФА се соочува со логистички кошмар, бидејќи Светското првенство во 2034 година претставува сериозен предизвик. Како што се случи со Катар 2022, се очекува турнирот да биде поместен во зима поради неподносливата жештина на летото на Блискиот Исток.
Сепак, извештај од американскиот медиум „Политико“ откри неколку големи конфликти во распоредот. Катарското издание се одржа од 20 ноември до 18 декември, што ќе се совпадне со Рамазан во 2034 година. Според исламскиот лунарен календар, се очекува празникот да трае од 12 ноември до 12 декември.
Турнирот би можел да се одржи порано во текот на годината, но Зимските олимписки игри се закажани за јануари и февруари. Со оглед на тоа што температурите потоа ќе се зголемат, ФИФА би можела да се најде во неизвесност, а тоа е пред да се земе предвид потребата да се прилагоди распоредот на светските лиги и континенталните натпреварувања.
„Политико“ сугерира дека периодот меѓу Божиќ 2034 и Хаџот – закажан за средината на февруари 2035 година – би можел да биде најлогичниот временски период за одржување на Мундијалот. Тоа значи дека СП во 2034 година, практично ќе се одржи на самиот почеток на 2035 година.
