Воздушниот сообраќај на аеродромот Малпенса во Милано беше привремено прекинат во четврток откако избувна пожар во авион на „Изиџет“. Прелиминарните извештаи покажуваат дека инцидентот е предизвикан од преносна батерија – поточно полнач – сместен во рачниот багаж на патникот.
Авионот, упатен кон Прага, веќе се движел по пистата кога патниците и екипажот забележале чад и оган во кабината. Пилотот веднаш прогласил вонредна состојба и започнала евакуација.
Сите 146 патници морале да го евакуираат авионот користејќи ги сигурносните тобогани. Две лица се здобиле со полесни повреди за време на инцидентот.
Првичните наоди сугерираат дека пожарот е предизвикан од преносна батерија што може да се полни во рачниот багаж на патникот.
Инцидентот предизвика значителни прекини во воздушниот сообраќај на аеродромот Малпенса. Полетувањата и слетувањата беа накратко прекинати, додека некои авиони што веќе се приближуваа кон аеродромот беа пренасочени кон други дестинации.
Властите продолжуваат да ги истражуваат околностите на инцидентот, кој уште еднаш ги истакна ризиците поврзани со литиум-јонските батерии и преносните полначи што се носат во патничката кабина.
