Според „Вашингтон пост“, унгарската влада одржувала блиски контакти со Москва за време на војната во Украина, а министерот за надворешни работи, Петер Сијарто, наводно со години го информирал својот руски колега, Сергеј Лавров, за време на паузите на состаноците со колегите од ЕУ. Поради ваквите стравувања, сè почеста станува практиката да се одржуваат состаноци во помали, неформални формати меѓу земји со слични ставови, наместо во целосен состав на сите 27 членки. Сепак, нема да има формална реакција во рамките на ЕУ на најновите обвинувања, делумно поради можното влијание врз парламентарните избори во Унгарија на 12 април, според неколку европски дипломати и функционери кои разговараа со медиумите.
Европската Унија го ограничува протокот на доверливи информации во Унгарија, а состаноците сè повеќе се одржуваат во тесни кругови, откако полскиот премиер, Доналд Туск, предупреди на долгогодишните сомневања дека владата на Виктор Орбан споделува чувствителни податоци со Русија, пишува „Политико“. Сепак, нема да има формална реакција во рамките на ЕУ на најновите обвинувања, делумно поради можното влијание врз парламентарните избори во Унгарија на 12 април, според неколку европски дипломати и функционери кои разговараа со медиумите.
– Веста дека луѓето на Орбан ја информираат Москва за состаноците на Европскиот совет до најмали детали не треба да изненади никого. Долго време се сомневаме во тоа, напиша Туск во неделата, додавајќи дека токму затоа зборува само кога е потребно и колку што е потребно.
Според „Вашингтон пост“, унгарската влада одржувала блиски контакти со Москва за време на војната во Украина, а министерот за надворешни работи, Петер Сијарто, наводно со години го информирал својот руски колега, Сергеј Лавров, за време на паузите на состаноците со колегите од ЕУ. Поради ваквите стравувања, сè почеста станува практиката да се одржуваат состаноци во помали, неформални формати меѓу земји со слични ставови, наместо во целосен состав на сите 27 членки. Еден европски функционер истакнува дека клучната дипломатија сè повеќе се одвива преку групи како што се Вајмарскиот триаголник (Франција, Германија и Полска), нордиско-балтичката група НБ8 или иницијативата ЈЕФ, која обединува десет северноевропски земји. Поранешниот литвански министер за надворешни работи, Габриелиус Ландсбергис, изјави дека уште во 2024 година бил предупреден за можноста унгарската страна да пренесува информации на Русија, поради што тој и неговите колеги го ограничиле споделувањето чувствителни податоци во присуство на унгарски претставници. Слични мерки беа преземени во пресрет на важниот самит на НАТО во Вилнус во 2023 година, кога Унгарците беа исклучени од дел од разговорите.
И покрај ова, унгарските власти ги отфрлаат обвинувањата. Министерот за европски прашања, Јанош Бока, ги нарече „лажни вести“, тврдејќи дека тоа е обид да се влијае врз изборната кампања и да се зголеми притисокот на опозицијата врз владејачката Фидес. Самиот Сијарто ги отфрли обвинувањата, обвинувајќи ги медиумите за ширење „апсурдни теории на заговор“. Унгарскиот премиер Виктор Орбан нареди истрага за прислушување на Сијарто. „Се справуваме со два сериозни проблеми: постојат докази дека унгарскиот министер за надворешни работи, Петер Сијарто, бил прислушуван и имаме индикации кој би можел да стои зад тоа. Ова мора веднаш да се истражи“, објави Орбан на „Икс“. Портпаролот на унгарската влада, Золтан Ковач, во понеделник објави протечена аудиоснимка од новинарот Саболч Пањи, во која тој признава дека ги дал телефонските броеви на Сијарто на странски разузнавачки служби за да ги следат неговите повици. Сијарто истакна дека унгарскиот новинар вклучен во прислушувањето е поврзан со проукраинската опозиција и можел да биде искористен за „создавање проукраинска влада“ во Унгарија.
Повеќето од соговорниците на „Политико“ за оваа афера велат дека не ги изненадила, но секоја официјална реакција ќе зависи од исходот на изборите во Унгарија, закажани за април. И покрај тоа што заостанува во анкетите зад кандидатот на опозицијата Петер Маѓар, Орбан верува дека може да обезбеди нов мандат.
– Ова ги поткопува довербата, соработката и интегритетот на Европската Унија, рече еден дипломат.
Друг, пак, предупреди дека секоја реакција пред изборите може дополнително да му користи на Орбан во кампањата.
Обвинувањата за Сијарто доаѓаат во време кога меѓународните сојузници на Орбан пристигнуваат во Будимпешта за да го поддржат во последните фази од кампањата. Меѓу нив се полскиот претседател Карол Навроцки и американскиот потпретседател Џ. Д. Венс.
