Македонија продолжува да се соочува со негативен природен прираст. Според најновите податоци на Државниот завод за статистика (ДЗС), во второто тримесечје од 2026 година се регистрирани 1.005 повеќе умрени лица отколку живородени деца.
Во периодот април-јуни 2026 година се родени 3.684 деца, што претставува pad од 3,0 % во споредба со истиот квартал од изминатата 2025 година. Во истиот период, бројот на починати лица изнесува 4.689, што е благо намалување од 0,6 % на годишно ниво. Меѓу умрените лица, 10 се доенчиња.
Статистиката бележи намалување и кај бројот на нови бракови. Во второто тримесечје се склучени 2.732 брака, односно 2,2 % помалку во однос на истиот период лани. Во истиот тримесечен период се евидентирани и 406 разведени брака.
