Калиопи ја објави новата песна „Лага“ (Лаж), која публиката за првпат ја слушна на концертот на 17 октомври во Скопје, со кој прослави 50 години на музичката сцена.
Фановите на концертот за првпат го видео видеоспотот за песната, која е достапен на сите дигитални музички платформи.
Комплетен автор на песната е нејзиниот долгогодишен соработник Ромео Грил, кој ги направи музиката, текстот, аранжманот и продукцијата. Видеоспотот е во режија на Лука Сеп, а продукцијата е на „Кавакава продукција“.
Калиопи по вторпат ја наполни салата „Борис Трајковски“ и одржа тричасовен концерт со своите најголеми хитови. Специјален гостин беше Слаткаристика, со кого ја изведе новата верзија на „Обои ме“, а на сцената ѝ се придружи и осумгодишниот Никола од Скопје, со кого ја испеа „Македонско девојче“.
„Убави мои, и кога мене ќе ме нема, сакам да ме паметите по оваа песна“, рече Калиопи за песната „Волчица“, за која претходно кажа дека Ромео Грил во неа најдобро ја опишал.
