Вечерва, министерката за енергетира, рударство и минерални суровини Сања Божиновска присуствуваше на традиционалната прослава што ја организира Амбасадата на Шведска, со концерт посветен на празникот Санта Луција – еден од најзначајните и најпознати нордиски обичаи што го најавува доаѓањето на Божиќ.
Божиновска ја истакна симболиката на овој празник, кој во Шведска претставува олицетворение на светлина, топлина и надеж во најтемните зимски ноќи. „Секогаш е посебно кога една традиција носи порака што ги надминува границите – дека светлината ја создаваме самите, и дека најмногу ни е потребна во студените и тивки моменти од годината“, рече таа.
Таа упати благодарност до Амбасадата на Шведска за прекрасната атмосфера и можноста присутните да ја почувствуваат автентичната нордиска традиција, која преку музика, песна и свечен амбиент го најавува празничниот период исполнет со радост и оптимизам.
Прославата на Санта Луција и годинава привлече бројни гости од дипломатската заедница и јавниот живот, кои заедно ја споделија магијата на еден од најубавите шведски обичаи.
