Во битолската населба Дулие е уредено ново детско паркче, како дел од акцијата за подобрување на јавните простори во градот. Проектот е реализиран со поддршка на Општина Битола и јавните претпријатија, кои заеднички придонесоа за создавање на безбедно и пријатно место за најмладите.
Паркчето се наоѓа во близина на новоизградениот трговски објект во овој дел од градот и претставува нова зелена оаза за семејата и соседството.
Граѓаните велат дека новото катче е вистинско освежување за населбата – местo каде што децата безгрижно се играат, а родителите, бабите и дедовците уживаат во дружењето и рекреацијата.
