Премиерот Христијан Мицкоски изјави дека безбедносната состојба во Македонија е стабилна и под контрола, и покрај случувањата на Блискиот Исток.
„Стабилна, без да има одредени осцилации. Апсолутно ја имаме под контрола состојбата. Предизвици има и ќе има, но тука сме да ја следиме и да реагираме ако има потреба од тоа“, рече Мицкоски, во одговор на новинарско прашање.
Премиерот денеска присуствуваше на презентацијата на 17 нови лесни оклопни возила „страјкер“, набавени од Соединетите Американски Држави.
