Во текот на утрешниот ден, премиерот на Косово, Албин Курти, ќе ја посети Македонија, известува ТВ21. Од Министерството за внатрешни работи информираат дека ќе има посебен сообраќаен режим.
„На 26.08.2026 (среда) во официјална посета на Република Северна Македонија ќе престојува претседателот на Владата на Република Косово, г-дин Албин Курти. Од тие причини Единицата за безбедност на патниот сообраќај при СВР Скопје ќе преземе мерки за посебен режим на сообраќајот на подрачјето на град Скопје. СВР Скопје апелира до сите граѓани учесници во сообраќајот да ги почитуваат наредбите што ќе ги даваат полициските службеници.“, соопштија од МВР.
Да потсетиме, во текот на утрешниот ден се очекува да започнат градежните работи на втората делница од автопатот Скопје–Блаце.
