Двонеделниот STEM камп во SPACE Park Skopje ќе ги запознае младите со роботика, дронови, вештачка интелигенција и паметно земјоделство преку развој на реални технолошки проекти.
Од 17 до 30 август 2026 година во SPACE Park Skopje ќе се одржи AGROSKY Future Farm Camp 2026 – уникатен двонеделен летен камп наменет за талентирани, љубопитни и мотивирани деца и млади кои сакаат да навлезат во светот на роботиката, дроновите, вештачката интелигенција и паметното земјоделство.
Кампот е организиран од AGROSKY во соработка со EMKICE KIC, CSIIT – Центар за вселенска и иновативна технологија, SPACE Park Skopje, ACRID Network и CryoTek Research, а ќе им овозможи на учесниците практично искуство преку развој на реални технолошки решенија.
За разлика од класичните летни кампови, AGROSKY Future Farm Camp 2026 функционира како практична лабораторија во која учесниците ќе работат на заеднички проект што обединува агро-ровер, паметен дрон и AI систем за анализа и носење одлуки.
Во текот на 14 дена младите ќе имаат можност да изградат функционален прототип на агро-ровер, да работат на интеграција на паметен дрон и да научат како современите технологии можат да се применат во решавање на реални предизвици поврзани со земјоделството, климатските промени и одржливиот развој.
Програмата опфаќа широк спектар на мултидисциплинарни вештини, меѓу кои 2D и 3D дизајн, 3D печатење, CNC и ласерско сечење, механика, електроника, мехатроника, програмирање, Arduino и Raspberry Pi системи, дрон технологии, GPS и aerial imaging, како и основи на вештачка интелигенција, computer vision и анализа на податоци.
Покрај техничките знаења, учесниците ќе развиваат вештини за тимска работа, лидерство, решавање проблеми, проектен менаџмент, презентациски способности и јавно настапување.
Особена карактеристика на кампот е можноста децата до 14 години да учествуваат заедно со еден родител, создавајќи уникатно семејно STEM искуство во кое заеднички ќе го градат својот rover и drone проект.
Организаторите најавуваат дека најдобрите учесници и тимови ќе добијат можност да учествуваат на меѓународен хакатон во Хрватска или Шпанија во текот на март или април 2027 година.
Кампот се реализира во рамките на меморандумот за соработка со CSIIT Croatia, со активно учество на меѓународни тренери и експерти од областа на иновациите и вселенските технологии.
Учеството е организирано во две возрасни категории: за деца од 8 до 14 години и за млади од 15 до 18 години, додека за студенти и ментори е предвиден посебен ангажман во рамките на програмата.
Пријавувањето е веќе отворено, а бројот на места е ограничен. Заинтересираните можат да изберат Early Bird, Regular или Late Registration пакет, со можност за плаќање на три рати. Повеќе информации се достапни на телефонскиот број +389 78 385 060, додека регистрацијата се врши преку овој ЛИНК.
„Drone sees first. AI understands. Rover acts.“ е мотото што ќе ги води младите учесници низ ова лето, во кое нема само да учат за технологиите на иднината – туку ќе ги создаваат.
