Битолчанецот Александар лимарскиот занает го наследил од својот татко. Вели дека на прсти се бројат оние кои останаа да ги негуваат старите, автентични занаети. Објаснува дека не се вади ниту една просечна плата, а и тој износ го уплаќа колку стажот да му тече.
Ако итно не се преземат мерки за спас на чаршијата и претстои тотален колапс. Старите дуќани сè уште се со земјени патоси и затоа половина од нив одамна затворени. До реновирање не може да се дојде, велат дуќанџиите.
„Старата Битолска чаршија е споменик на културата со решение. Со новиот Предлог-закон за заштита на културното наследство, кој беше изготвен лани и беше ставен на ЕНЕР, се планираше враќање на ингеренциите на надлежните јавни установи за заштита и спроведување на процедурата во општините. Така постапката ќе се поедноставеше за граѓаните. Но, од тогаш, не се знае до каде е постапката“, објаснува Зоран Алтипармаков, дипл.инж.арх.советник конзерватор НУ „Завод и Музеј“ Битола.
Во Битолската чаршија егзистираат околу петстотини занаетчии.
