Производството на праз во струмичко полека исчезнува. За околу 60 отсто се намалени површините под оваа култура. Причина се климатските промени но и немањето сигурен пласман. Државата мора да најде модел на финансирање земјоделците да го адаптираат производството на новите временски неприлики…
Високите температури и долгите суши го преполовија родот на праз во струмичко. Земјоделците велат дека за 40 отсто се намалени приносите. Во населеното место Градашорци со праз се занимаваат само повозрасните кои и сами ги продаваат произведените количини
Мора да се најде начин и модели на финансирање на земјоделците за адаптирање на производството на климатските промени. Вака смета универзитетскиот професор Душан Спасов кој смета дека под итно е потребна примена на современи методи.
За земјоделците пак најважно е цената и да има откуп.
Површините под праз во струмичко се намалени за околу 60 отсто и се произведува претежно на мали парцели.
