Љупчо Пренџов е избран за заменик на генералниот секретар на ВМРО-ДПМНЕ, Драган Ковачки.
Веста ја соопшти самиот Пренџов преку објава на социјалните мрежи, посочувајќи дека изборот бил направен на денешната седница на Извршниот комитет на партијата.
Тој му се заблагодари на претседателот на ВМРО-ДПМНЕ, Христијан Мицкоски, за укажаната доверба, како и на членовите на Извршниот комитет за поддршката.
Пренџов оцени дека ова претставува ново поглавје во неговиот политички ангажман, нагласувајќи дека довербата ќе ја оправда со личен ангажман, доследност и конкретна работа.
