Руските напади врз енергетската инфраструктура во четвртокот предизвикаа големи прекини на електричната енергија во Киев, го запреа градското метро и го нарушија водоснабдувањето, објавува „Киев Индепендент“.
Според градоначалникот Виталиј Кличко, четири лица загинаа во нападите со беспилотни летала, додека најмалку 19 беа повредени.
Руските напади врз енергетската инфраструктура во четвртокот предизвикаа големи прекини на електричната енергија во Киев, го запреа градското метро и го нарушија водоснабдувањето, објавува „Киев Индепендент“.
Според градоначалникот Виталиј Кличко, четири лица загинаа во нападите со беспилотни летала, додека најмалку 19 беа повредени.
„Еден од клучните енергетски објекти за снабдување на Киев беше цел на нападот. Енергетските работници прават сè што е во нивна моќ за што поскоро да го вратат снабдувањето со електрична енергија“, рече премиерот Денис Шмихал.
Прекинот на електричната енергија ги запре возовите и ескалаторите во метрото и значително влијаеше на другите форми на јавен превоз.
Граѓаните беа принудени да бараат алтернативни средства за транспорт, што предизвика огромни сообраќајни метежи на патиштата.
Пумпите за вода беа повторно пуштени во употреба до 21 часот, но властите предупредија дека ќе биде потребно време за притисокот во мрежата целосно да се нормализира. Во петокот во 00:30 часот, делови од Киев на левиот брег на Днепар сè уште беа без електрична енергија, додека на десниот брег снабдувањето беше делумно обновено.
