Еврокомесарката за проширување Марта Кос порача дека за Европската комисија од суштинско значење се добрососедските односи и зајакнувањето на довербата преку конкретна соработка во областите каде што тоа е веднаш изводливо.
Одговарајќи на новинарски прашања за очекувањата од билатералните средби, Кос нагласи дека токму таквиот прагматичен пристап може да ги отвори вратите за поширока регионална интеграција, потсетувајќи дека меѓусебната соработка останува темел на европските вредности.
– Многу е важно да се гради довербата. Ние сме на добар пат, а исто така сме на пат да соработуваме во областите во кои тоа е можно и можеби тоа може да ни ги отвори вратите за поширока соработка – рече Кос.
