Претседателот на Русија изјави дека се надева дека Александар Вучиќ, кој поднесе оставка на 27 септември, ќе стане премиер на Владата на Србија, јави ТАСС.
Руската новинска агенција го нарече Вучиќ, кој не извршувал никаква функција откако поднесе оставка од функцијата претседател на Србија, „лидер“.
„Сегашното раководство на Србија, поранешниот претседател и, се надевам, иден премиер Александар Вучиќ, води воздржана политика и покажува желба за соработка со Русија. Ние секако го поздравуваме тоа и ќе возвратиме“, рече Путин на пленарната седница на Валдај клубот.
Парламентарните избори во Србија ќе се одржат на 25 октомври. Поранешниот претседател на Србија сега се кандидира за премиер и е носител на листата „Александар Вучиќ – Единствена Србија“.
