Кога зад еден музички проект стојат големо име, огромен интерес од публиката и продукција која знае како се создава спектакл – резултатот може да биде само вечер за паметење.
На 28 ноември Скопје ќе биде домаќин на еден од најголемите регионални музички настани оваа есен – големиот јубилеен концерт на Весна Змијанац, со кој легендарната пејачка одбележува неверојатни 50 години кариера.
Интересот на македонската публика е толку голем што првично најавениот концерт во арената „Јане Сандански“ се сели во поголемата арена „Борис Трајковски“.
И токму оваа одлука е најдобар показател за размерите на интересот што го предизвика доаѓањето на Весна Змијанац во Скопје.
Зад големиот проект стојат Саша Мирковиќ и Hype Production, име кое во последните години сè посилно се поврзува со амбициозни музички, телевизиски и продукциски проекти во регионот.
Мирковиќ, како сопственик и директор на Hype Production и Hype TV, изгради препознатлив продукциски систем и покажа деловен инстинкт за проекти кои привлекуваат внимание на публиката. Наместо мали чекори, неговиот пристап е насочен кон големи формати, силна продукција и настани за кои се зборува и пред и по нивното одржување.
А токму таков се очекува да биде и мега концертот на Весна Змијанац во Скопје.
По трите распродадени арени во Белград, „Golden Tour – 50 години кариера“ продолжува во Македонија, а скопската публика ќе добие можност во една вечер да помине низ пет децении музика, емоции и песни кои одамна го надминаа времето во кое се создадени.
Весна Змијанац е име кое не припаѓа само на една генерација. Нејзините песни се слушале пред децении, се пеат денес, а нејзините концерти покажуваат дека публиката и понатаму сака да ги слушне во живо хитовите кои одбележале безброј животни приказни.
Токму затоа, 28 ноември нема да биде само уште еден концерт.
Се подготвува голема продукција, сценско шоу и музичка вечер достојна за јубилејот од 50 години кариера на една од најпрепознатливите регионални музички ѕвезди.
Дополнителна сигурност за публиката е што сите претходно купени билети за концертот во „Јане Сандански“ остануваат важечки и за новата локација – арената „Борис Трајковски“.
За оние кои сè уште немаат обезбедено билет, продажбата продолжува преку Kupikarta.com.
28 ноември. Скопје. „Борис Трајковски“. Весна Змијанац. 50 години кариера.
Сè е подготвено за вечер во која илјадници гласови ќе пеат во еден глас и за концерт кој има потенцијал долго да се прераскажува.
