Педофил од Тетово сам се пријавил во полиција откако видео било објавено на социјалните мрежи кое најверојатно укажувало на грозоморниот чин. Полицијата му поднесе кривична пријава за силување на дете на 62 годишниот маж.
-На 25.09.2026 во 21:45 часот, по претходно објавено видео на социјалните мрежи, во Полициската станица Тетово сам се пријавил Р.Н.(62) од тетовско село. По насоки на јавен обвинител од ОЈО Тетово, лицето е лишено од слобода поради основано сомнение за сторено кривично дело „силување на дете кое не наполнило 15 години“ по член 188 од Кривичниот законик. Тој е задржан во полициска станица за понатамошна постапка и целосно расчистување и документирање на случајот, соопштија од СВР Тетово. (П.А.)
