Пензиите за следниот месец на пензионерските сметки ќе легнат покачени за три отсто, потврди директорот на Фондот за пензиско и инвалидско осигурување, Никола Мемов. Зголемувањето овој пат се врши согласно законското решение, а не линеарно како што бараа дел од пензионерите.
Па така, пензионер чија пензија е дваесет илјади денари, од наредниот месец ќе биде повисока за шестотини денари, односно ќе изнесува дваесет илјади и шестотини денари.
Изминатите две години пензиите беа покачувани четири пати линеарно, за вкупен износ од по седум илјади денари по пензионер.
