Пливачите во Скопје во следните неколку дена ќе останат без соодветен базен за тренинзи. Олимпискиот базен е привремено затворен, додека базенот во Карпош се реновира.
Директорот на олимпискиот базен за Телма потврди дека објектот нема да работи неколку дена поради хлорирање и неопходен третман на водата. Во функција остануваат малиот и средниот базен, но тие не ги задоволуваат условите за редовни тренинзи на пливачите и пливачките клубови.
Со привременото затворање на олимпискиот и тековната реконструкција на базенот во Карпош, пливачите практично немаат каде да тренираат во овој период.
