Хрватските надлежни институции отворија истрага против 40-годишен маж осомничен за убиството на неговата 35-годишна сопруга во Слатина, мајка на шест деца.
Жупаниското државно обвинителство во Бјеловар побарало од истражниот судија на осомничениот да му биде одреден истражен притвор.
По извршениот увид, полицијата против него поднела кривична пријава за тешко убиство на жена – фемицид, но и за повреда на правата на дете, семејно насилство и закани.
Според информациите објавени од хрватските медиуми, истрагата открила и детали за односите во семејството пред убиството. Се наведува дека жената во период од околу четири години била изложена на континуирано малтретирање од страна на сопругот, вклучително и пред нивните деца.
Надлежните органи ја продолжуваат истрагата за целосно утврдување на околностите на случајот.
