Бугарскиот пратеник и претседател на опозициската партија „Преродба“ – Костадин Костадинов денеска во Парламентот на неговата земја поднесе иницијатива со која, според неговиот предлог, македонскиот јазик би бил третиран како бугарски дијалект.
Костадинов и претходно застапувал вакви ставови. Тој отворено тврди дека македонскиот јазик е дијалект на бугарскиот јазик и дека македонските говори се дел од бугарското јазично подрачје.
Партијата „Преродба“ дејствува како опозиција и остро се противи на евроатлантската политика на Софија, на воведувањето на еврото и на воената поддршка за Украина.
